Policia spanjolle ka shkatërruar një grup kriminal italo-shqiptare në provincën jugore të Malagës. Raportohet se grupi kriminal trafikonte lëndë narkotike drejt Italisë, ndërsa bazën e kishte në Spanjë.
Tetë persona u arrestuan në banesa të ndryshme, të cilat përdoreshin për të ruajtur lëndët narkotike, ndërsa në njërën prej magazinave u gjet dhe një kamion që përdorej për transportin e kafshëve.
Brenda kamionit u gjetën 239 kilogramë marijuanë dhe 60 kilogramë hashash, të cilat ishin futur në qese vakumi.
Policia spanjolle sekuestroi kamionin, i cili përdorej për transportimin e lëndëve narkotike, 6 makina luksoze, 16 celularë dhe 8,500 euro.
