Situata e pandemisë në spitalin Infektiv është paraqitur më e qetë gjatë paradites së sotme, lidhur me shtrimet e reja në këtë spital.
Sipas burimeve bëhet me dije se në ditë bëhen rreth 40 shtrime, ku vihet re se pjesa më e madhe janë persona në moshë të re.
Perlat Kapisyzi, drejtori i spitalit Shefqet Ndroqi, i kthyer tashmë në “Covid2” shprehet për ABCnews se ka dyshime të forta se infektimi në masë i të rinjve ka të bëjë me mutacionet që ka pësuar virusi.
Ndërkohë ka kaluar një muaj nga dërgimi i mostrave të para të marrë nga qytetarët e dyshuar si të infektuar me Covid por akoma nuk ka asnjë përgjigje në lidhje me këtë.
Ditët e fundit në vendin tonë janë shënuar shifra të larta të humbjes së jetës dhe të rasteve të reja të konfirmuara me Covid.
Një ditë më parë në vendin tonë janë raportuar se kanë humbur jetën 21 persona dhe janë konfirmuar me Covid 986 raste të reja.
