Një aksident me vdekje është shënuar në kryeqytet këtë të Premte. Një kamion ka përplasur një grua rreth të 60-tave në zonën e “Astirit”, e cila ka humbur jetën.
Policia njoftoi se rreth orës 12:00, në hyrje të rrugës “Abedin Rexha”, mjeti me drejtues shtetasin P.Rr., 43 vjeç, ka aksidentuar një shtetase këmbësore, ende të paidentifikuar, rreth 60 vjeçe, e cila për pasojë ka ndërruar jetë.
Drejtuesi i mjetit po shoqërohet në ambientet e Komisariatit të Policisë Nr.2, për veprime të metejshme hetimore, shtuan të njëjtat burime, ndërsa vijon puna nga grupi hetimor për zbardhjen e rrethanave të ngjarjes.
