Një aksident i rëndë u shënua këtë mbrëmje në rrugën e Kombit, në afërsi të Rrëshenit. Një drejtues mjeti ndërroi jetën pasi automjeti u përplas me një automjet tjetër.
Sikundër mësohet drejtuesi i mjetit që humbi jetën është, Armand Gjoka, rreth 31 vjeç. Ndërkohë që mësohet se makina tip BMW është përplasur nga pas me një trajler.
“Në aksin rrugor Milot-Rrëshen, në afërsi të një karburanti mjeti me drejtues shtetasin E.H.,është përplasur me mjetin tip “BMW” me drejtues shtetasin A.Gj.,i cili për pasojë ka humbur jetën. Grupi hetimor në vendngjarje punon për sqarimin e plotë të shkakut dhe rrethanave të ngjarjes”, tha policia në një njoftim për mediat.
