Sfida delikate ndaj Laçit, Ilir Daja skicon formacionin e Partizanit. Çinari pritet ta nisë nga minuta e parë!

Partizani përballet me Laçin pasnesër në orën 16.00, në kuadër të Kategorisë Superiore. Trajneri i të kuqve, Ilir Daja po mendon për formacionin me anë të të cilit ekipi do zbresë në fushë. Shqetëson gjendja e Stenio Junior, me sulmuesin që la në gjysmë ndeshjen ndaj Kukësit.

Nga minuta e parë në sulm pritet ta nisë Çinari. Shkodrani, sa herë i është dhënë mundësia, ka shënuar gola me peshë. Ai do mbështetet nga Asani dhe Melo nga krahët.

LEXO EDHE  Krijimi i Superligës Europiane, shpërthen Ceferin: Nuk do i lëmë të na marrin futbollin

Në mesfushë qëndron Broja-Bardhi-Mala, me 3-shen që ka një detyrë të rëndësishme përpara. Qendra e prapavijës do formohet nga Belica dhe Bitri, e nga krahët janë Idrizaj dhe Hakaj.

Partizani renditet në vendin e dytë me 37 pikë, 4 më pak se Vllaznia kryesuese. Synimi është shkurtimi i diferencës me shkodranët, teksa jemi në javën e 21-të të kampionatit shqiptar. /Newsport.al

Formacioni i mundshëm:

Partizani: Hoxha, Idrizaj, Bitri, Belica, Hakaj, Mala, Bardhi, Broja, Melo, Asani, Çinari