Presidenti i Republikës, Ilir Meta gjatë muajve të fundit ka vendosur të nderojë shumë fituara të sportit, veçanërisht legjenda të klubeve më me histori në vendin tonë. Sot e kishin radhën ata të Dinamos.
Skënder Jareci është nderuar pas vdekjes me titullin “Kalorës i Urdhrit të Flamurit”, ndërkohë që Vasillaq Zëri (pas vdekjes), Gani Xhafa dhe Andrea Marko kanë meriuar çmimin “Mjeshtër i Madh”. Pak javë më parë Meta nderoi legjenda të Tiranës.
NJOFTIMI I PRESIDENCËS – Presidenti Meta vlerëson katër futbollistë të shquar të “Dinamos” dhe të Ekipit tonë Kombëtar: Shembull frymëzimi e krenarie kombëtare dhe modeli i duhur i edukimit të rinisë me vlerat më të mira sportive.
Presidenti i Republikës Sh.T.Z. Ilir Meta vlerësoi sot me anë të një ceremonie solemne, katër futbollistë të shquar të ekipit “Dinamo” dhe atij Kombëtar shqiptar.
Kreu i Shtetit i akordoi ish-futbollistit dhe trajnerit Skënder Jareci (pas vdekjes) Titullin “Kalorës i Urdhrit të Flamurit” “Për kontributin e madh në zhvillimin e sportit, si një nga qendërsulmuesit më të mirë të historisë të futbollit shqiptar. Trajner strateg në drejtimin e skuadrës ‘Dinamo’ me metodat bashkëkohore, duke përgatitur breza lojtarësh cilësorë me rezultate të shkëlqyera në veprimtaritë kombëtare dhe ndërkombëtare.”
