E ftuar në ‘Open’ ish kryetarja e Kuvendit Jozefina Topalli foli për krijimin e partisë së saj ‘Lëvizja për Ndryshim” është regjistruar e vetme në këto zgjedhje. Gjatë ditës së sotme ajo prezantoi dhjetë kandidatët për Tiranën.
Topalli justifikoi grupin e zgjedhur pa përvojë me faktin se politikanët shqiptarë janë të gjithë pa përvojë dhe politika është e zaptuar vetëm nga tre persona.
Për të, këtyre kandidatëve u jepet një shans.
“Sot ne nuk kemi një elit politike dhe kjo kërkon krijimin e një klasë të re politike të pakorruptuar”, tha Topalli.
“Parlamenti i vitit 1996 ka pasur emra shumë të mirë, të përzgjedhur nga Sali Berisha”, deklaroi Topalli.
“Lëvizja për Ndryshim është kundër Ramës, Metës, Monikës dhe Bashës. Këta ndër vite janë dukur se kanë kundërshtuar njëri-tjetrin, por kanë qenë bashkë me njëri tjetrin. Këtu bën dallim Ilir Meta që ka qenë kundër ndryshimeve Kushtetuese. U pa që ishin bashkë edhe për teatrin që bën sikur e mbrojtjën por e lëshuan atë.”, tha Topalli.
Topalli tha se nëse edhe këtë radhë populli do zgjedhi të keqen më të vogël, atherë do të thotë së Shqiptarët nuk e duan ndryshimin.
“Unë e di që është e vështirë t’i kesh përballë të gjithë, por duhet të guxojmë”
A po bën diversion me opozitën?
Do jenë shqiptarët që do vendosin në 25 prill.
“Lëvizja për ndryshim do kishte kënaqësinë më të madhe që mandatet që do marrë t’i bashkojë me opozitën natyrisht duke negociuuar për postin e kryeministrit.”, tha Topalli.
