Situata në spitalet Covid, jo vetëm në Tiranë, por edhe në rrethe paraqitet alarmante.
Nga Durrësi mësohet se në pavionët e hapur para pak ditësh po trajtohen nga koronavirusi 65 pacientë, ndërkohë që për shkak të fluksit mund të hapet edhe një pavion i tjetër, përveç atij të Infektivit brenda spitalit rajonal Durrës.
Autoritetet shëndetësore po mendojnë hapjen e katit të tretë të pediatrisë, për ta vënë në dispozicion të trajtimit të të sëmurëve me Covid, pasi shtretërit e përcaktuar më parë janë drejt ezaurimit.
Në spitalin rajonal Durrës po marrin trajtim vetëm të sëmurët në gjendje të rëndë, ose ata që kanë të nevojshëm oksigjenin.
Nga raportimet mësohet se tre pacientë kanë humbur jetën gjatë fundjavës, ndërkohë që shtrimet në këtë spital pranohen vetëm në rastet e rënda.
