Vetëm 1 fitore në 5 takimet e fundit. Statistika që tregojnë se Vllaznia nuk është më ajo e fillimit të sezonit.
Kuqeblutë kanë barazuar ditën e sotme 1-1 në transfertë ndaj Skënderbeut duke i dhënë një mundësi të artë rivalëve për të ngushtuar diferencat në klasifikimin e përgjithshëm. Rezultat aspak pozitiv për ekipin e Thomas Brdaric, që tani kryeson me vetëm 5 pikë më shumë se Teuta dhe Laçi.
Për të kaluar te ndeshjea, djemtë e Memellit e nisën mirë ndeshjen dhe gjetën golin në minutën e tetë. Goditje e bukur e Dennis Doëouna dhe topi në rrjetë. Pjesa e parë përfundoi me avantazhin e Skënderbeut, teksa pushimi i bëri mirë skuadrës mike.
Braziliani Da Silva fitoi një penallti dhe ekzekutimin e mori përsipër Haris Dilaver. Boshnjaku nuk gaboi përballë Dajsinanit dhe barazim 1-1. Rikthim te goli pas një kohe të gjatë për sulmuesin e Vllaznisë.
Sfida nuk dhuroi më gola dhe sfida u mbyll pa fitues. Rezultat që gëzon më shumë ndjekësit e ekipit shkodran, veçanërisht Partizanin që në rast fitoreje sot ndaj Kukësit do të shkurtonin diferencat në 4 pikë.
