Do të luhen ditën e sotme duke filluar nga ora 13:30, 5 ndeshjet e fundit në Kategorinë e Dytë të vlefshme për javën e 10-të.
Në grupin A, Tërbuni do të kërkojë me çdo kusht fitoren ndaj Adës së Velipojës, ndërsa Valbona pret në shtëpi Ilirinë, në një ndeshje që pritet të jetë e luftuar nga të dyja skuadrat.
Grupi B rezervon sfida akoma më interesante. Maliqi do të kërkojë të rikthehet te fitorja për të mos iu larguar kreut, teksa luan në transfertë ndaj Albpetrolit. Fitoren do të kërkojë edhe Devolli që luan në transfertë ndaj Këlcyrës. Përmeti-Delvina është edhe sfida e fundit, e cila premton spektakël dhe luftë sportive.
