Një automjet tip “Hyundai” është përfshirë nga flakët në aksin rrugor Fier- Patos, pranë stacionit të lagjes “1 Maji”. Mësohet se mjeti ka qenë në ecje kur papritur ka marrë flakë, por fatmirësisht nuk është shkrumbuar plotësisht.
Drejtuesi i mjetit ka dalë menjëherë nga makina sapo ka vënë re tymin që kishte nisur të dilte nga pjesa e kroskotit.
Paraprakisht dyshohet se shkaku i zjarrit ka qenë një shkëndijë elektrike, ndërkohë Policia dhe shërbimet e zjarrfikëses ndodhen në vendngjarje.
Informacion paraprak
Sot rreth orës 15:30, në lagjen “1 Maj”, në ecje e sipër ka marrë flakë mjeti tip “Hunday”, në pronësi të shtetasit M. A., ku është djegur pjesa e përparme e tij.
Paraprakisht dyshohet se zjarri ka rënë si pasojë e një defekti në motor. Në vendngjarje shkuan menjëherë shërbimi zjarrfikës dhe ato policore, të cilat bënë të mundur fikjen e zjarrit. Grupi hetimor po punon për zbardhjen e plotë të kësaj ngjarje.
