81-vjeçarja, Iris Jones, e cila pak kohë më parë foli rreth jetës seksuale me të dashurin 36-vjeçar nga Egjipti, nuk mund të udhëtojë drejt Egjiptit për shkak të Covid-19 dhe nuk mund të marrë asnjë rimbursim.
Vitin e kaluar, ajo fluturoi për në vendlindjen e Mohamed Ahmed Ibrahim, me të cilin u martua në nëntor, pasi u njohën në rrjetin social “Facebook”. Por prej disa muajsh ata jetojnë të ndarë pasi i riu qëndroi në Egjipt.
Teksa tregon se ndihet e vetmuar pasi u kthye në Mbretërinë e Bashkuar pa dashurinë e saj, ajo ka bërë disa herë plane që të shkonte tek ai, por që i janë prishur e si pasojë ndihet e “shkatërruar”.
Si pasojë e situatës aspak të mirë në Angli nga pandemia e Covid-19, Iris e ka patur të pamundur që të largohet nga shtëpia e saj në Somerset. Madje ajo nuk mund të marrë mbrapsht as paratë që ka shpenzuar për të blerë biletat.
Ajo shkruan në “Facebook” se ka tentuar që të marrë paratë e saj, por askush nuk i është përgjigjur. 81-vjeçarja shprehet se kjo nuk është mënyra e duhur që të trajtohet një kliente.
