Bashkimi Evropian pas mbylljes së zgjedhjeve një javë më parë në Kosovë vijon me thirrjet për formimin e shpejtë të institucioneve dhe zgjedhjen e presidentit.
BE ka reaguar sërish përmes një postimi në rrjetin social Twitter pas takimit të shefit të Bashkimit Evropian në Kosovë, Tomas Szunyog me kreun e AAK-së, Ramush Haradinaj.
Në reagimin e fundit BE thekson se është e rëndësishme dhe në interes të të gjithave partive politike që të lëvizin drejt progresit në rrugën evropiane, si dhe normalizimin e raporteve me Serbinë.
“Ambasadori i BE-së në Kosovë pati një bisedë të mirë me Ramush Haradinajn. Është e rëndësishme që të formohet qeveria dhe presidenti të zgjidhet sa më shpejt. Është në interesin e të gjitha partive politike që ta kenë të mundur progresin në rrugën evropiane si dhe në normalizimin e plotë të raporteve me Serbinë”, thuhet në komunikatën e BE-së.
