Një tjetër person është arrestuar në kuadër të operacionit “Premtimi”. Disa ditë më parë, gjatë këtij operacioni u arrestua një person dhe u shpall në kërkim bashkëpunëtori i tij.
Policia njofton sot se kanë vënë në pranga edhe këtë të fundit. Si rezultat është bërë e mundur kapja dhe ndalimi i shtetasit të shpallur në kërkim Trifon Mehmeti, 26 vjeç, i dënuar më parë për veprat penale “Armëmbajtje pa leje” dhe ”Plagosja e lehtë me dashje”.
Ky i fundit në bashkëpunim me shtetasin J. D. (i arrestuar një javë më parë), me premtimin për martesë dhe për t’u larguar në vendet e BE-së, kanë sjellë në Shqipëri dy shtetase, të cilat dyshohet se i kanë shfrytëzuar seksualisht me persona të tjerë.
Materialet i kaluan Prokurorisë së Rrethit Gjyqësor Tiranë, për veprime të mëtejshme.
