Mbrëmjen e së mërkurës, mjeku infeksionist Pëllumb Pipero mohoi për herë të dytë se kishte qenë për trajtim në Itali pas infektimit me Covid 19.
Pipero tha se ishte kuruar në banesën e tij, ndërsa shtoi se e kishte kaluar lehtë, për shkak edhe të dozës së parë të vaksinave.
“Kam lexuar që kam shkuar në Turqi apo Itali, i intubuar ose jo, për t´u trajtuar nga Covid-19. Në fakt kam qenë në banesë, ndërsa bashkëshortja ime ishte në Itali”, u shpreh Pipero.
Por aktivisti Genc Sejko, i njohur si njeriu i memeve, i ka publikuar numrat e fluturimit të mjekut Pipero, i cili ka shkuar në Itali përmes linjës “Air Albania”.
Sipas të dhënave të Sejkos, Pipero ka qëndruar në Itali për 5 ditë nga data 5 Shkurt deri në datën 10 Shkurt, nga ku më pas është kthyer në Shqipëri.
Postimi i Sejkos:
Pipero! Perveç se je servil i pushtetit je edhe gënjeshtar.
Ke fluturuar me Air Albania
05/02/2021 dalje Milano Nr i fluturimit (ZB203)
10/02/2021 hyrje Bergamo Nr i fluturimit (ZB208)
Në Itali nuk ke shkuar se ishte i sëmurë rëndë. Në Itali ke shkuar sepse je frikacak. Nuk je vetëm. Kështu e duan këtë botë të gjithë ata që kanë përfituar padrejtësisht prej saj.
