Ish-ministri i Drejtësisë, Ylli Manjani shprehet se qytetarët e prekur me Covid refuzojnë masivisht shtimin në spitale. Manjani rendit dhe disa arsye, pse sipas tij ndodh kjo.
Në një postim në FB, Manjani shkruan:
Njerëzit masivisht refuzojnë trajtimin spitalor, jo se kanë dëgjuar denoncimet e familjarëve, por thjesht kanë parë lajmet, ku më të spikaturat janë titujt:
- Hidhet nga dritarja pacienti x.
- Intubohet pacientix dhe vdes.
- Infektohet mjeku x dhe vdes, ndërsa mjeky y dërgohet për kurim jashtë shteti.
- Pacientët parkohen në autoambulanca.
- Familjarët çojnë ushqime tek dera e spitalit.
- Kapen sanitare e infermiere që kërkojnë para.
- Zbardhen përgjimet ku pacienit x kërkon ushqim…
- Skanerit i është fikur llampa.
- Do vendosim ne kush do marrë shërbim e kush jo- ministre e shëndetësisë..
- Në spital ska më vende.
- Respiratorët nuk mjaftojnë…
Mjaftojnë besoj të gjitha këto tituj lajmesh për t’u bindur që nuk mund të shkohet në spital. Shumica, për të mos thënë të gjithë, mendojnë se të bëhet ç’të bëhet më mirë në shtëpi. Të paktën, me vetëdije kështu mendojnë…
Ndaj ato dy vajzat që denoncuan spitalin për vdekjen e babait të tyre, nuk kanë përhapur asnjë informacion të rremë e as kanë bindur njeri të mos shkojë në spital.
Bindjen e ka krijuar tashmë vetë spitali dhe shëndetësia e rilindur.
