Ish-qendërmbrojtësi i Real Madridit, Oscar Ruggeri, beson se Lionel Messi duhet të largohet nga Barcelona kur kontrata e tij të përfundojë në verë.
Sipas argjentinasit, Barcelona e ka keqtrajtuar Messin dhe pretendon se klubi nuk respektohet më nga kundërshtarët në Evropë.
“Messi duhet të largohet nga klubi,” tha Ruggeri për ESPN. “Ai është akoma më i miri, por të gjitha ekipet kanë humbur respektin për Barcelonën .
“Ka mbaruar, ai duhet të shkojë, ata i bënë shumë gjëra atij dhe tani kemi ardhur në këtë situatë.”
“Ata e dëbuan [Luis Suarez] dhe harruan se ai ishte pjesë e familjes. Suarez është një shënues. Ju nuk mund ta largoni në atë mënyrë atë. Jo shumë lojtarë janë në nivelin e Suarezit në ditët e sotme.”
“Tani Messi qetësinë e gjen te kombëtarja e Argjentinës, përpara ishte krejt e kundërta. Ai e ka humbur respektin për Barcelonën .”
