Pak ditë më parë Urdhëri i Farmacistëve të Shqipërisë i kërkoi Ministrisë së Shëndetësisë që farmacistët, të cilët janë në vijën e parë të përballjes me COVID të futen në listën e grupeve prioritare për tu vaksinuar.
Lidhur me këtë kërkesë të tyre ka reaguar Ministria e Shëndetësisë. Në shkresën që mban firmën e zvendës Ministres, Mira Rakacolli thuhet se plani kombëtar i vaksinimit është hartuar nga ekspertë në Institutin e Shëndetit Publik dhe është bazuar në rekomandimet ndërkombëtare.
“Vaksinimi ndaj COVID-19 po kryhet sipas fazave dhe grupeve të përcaktuara në këtë plan”, thuhet në dokument. Kjo do të thotë se farmacistët nuk do të përfitojnë si grupe risku për tu vaksinuar më shpejt. Në plan përcaktohen mjekët, infermierët, më pas moshat e treta, personalitetet etj.
