Akuza të rënda janë drejtuar ndaj shefes së Infektivit, Najada Çomo, këtë rradhë jo thjesht nga qytetarë që kanë humbur të afërmit e tyre, por nga një mjek.
Altin Kuqo, djali i neurologut të njohur Ali Kuqo, i cili u nda nga jeta pak ditë më parë, akuzon shefen e spitalit Infektiv, se ka refuzuar të mjekojë babain e tij, i cili konsiderohej si një prej profesorëve më të mirë në vend në fushën e neurologjisë. Altin Kuqo thotë se disponon të gjitha provat.
Deklarimin Altin Kuqo e ka bërë poshtë sqarimit të Ministrisë së Shëndetësisë mbi denoncimin e dy motrave që edhe ato humbën babain e tyre.
Djali i mjekut të njohur zbulon se babait të tij i është refuzuar shërbimi në spitalin Infektiv nga drejtoresha Najada Çomo.
“Babait tim profesor i nderuar i Neurologjise dhe ish mjek i QSUNT dhe mua si mjek qe punoj ne QSUNT na u refuzua sherbimi prane spitalit Covid 1 nga shefja Najada. Dhe une disponoj te gjitha provat e refuzimit te sherbimit prej saj”– ka shkruar djali i tij poshtë sqarimit që Qendra Spitalore Universitare “Nënë Tereza” Tiranë.
