Partizani dhe Kukësi do përballen në “Elbasan Arena” të dielën në orën 16:00. Kjo sfidë është e vlefshme për javën e 20 të Kategorisë Superiore dhe ka një rëndësi për ecurinë e skuadrave.
Trajneri Ilir Daja pritet të kthejë në formacion Jasir Asanin, me fantazistin që e nisi nga stoli ndeshjen e fundit me Kastriotin. Edhe pse pak minuta në fushë, shkupjani ia doli të shënojë gol dhe të dhurojë assist.
Trajneri Daja i ka të gjithë lojtarët në dispozicion, teksa pritet që të luaj me skemën tip 4-3-3. Në portë i përhershmi Hoxha, në mbrojtjen me katër Bitri dhe Belica formojnë qendrën, ndërsa Hakaj e Mala nga krahët. Murataj, Broja dhe Bardhi në mesfushë, në mbështetje të Melo, Asani e Junior në sulm.
Formacioni i mundshëm:
Partizani: Hoxha, Mala, Bitri, Belica, Hakaj, Bardhi, Murataj, Broja, Melo, Asani, Junior
