Instituti Kombëtar i Shëndetësisë Publike (IKSHPK), ka regjistruar të Mërkurën 297 raste të reja me koronavirus, pas 2,667 testeve në institucionet publike dhe ato private.
Në 24 orët e fundit, ky Institut ka regjistruar pesë viktima të diagnostikuara me COVID-19.
“Rastet e vdekjes janë nga komunat: Prishtinë 2 raste (81, 53 vjeç), Ferizaj 1 rast (79 vjeç), Rahovec 1 rast (80 vjeç) dhe Suharekë 1 rast (57 vjeç)”, njoftoi IKSHPK.
Të shëruar janë 311 persona, ndrsa raste aktive me koronavirus janë 6,857.
Prej 13 marsit të vitit të kaluar, autoritetet shëndetësore në Kosovë kanë regjistruar 65,065 persona të infektuar me koronavirus.
Prej tyre 1,553 pacientë kanë vdekur.
