Vllaznia do të luaj ndeshjen e javës së 20 të Superligës në transfertë me Skënderbeun. Për shkak të kushteve atmosferike, dueli dhe gjithë Superliga nuk e kanë një datë fikse dhe orar për t’u zhvilluar.
Te Vllaznia shqetëson gjendja me kartonat dhe dëmtimet, me Thomas Brdaric që do ketë tre mungesa të sigurta në transfertën e ftohtë të Korçës.
Marku dhe Adili janë në dyshim për shkak të dëmtimeve, ndërsa Isaevski, Imeri dhe Imami janë mungesa të sigurta. Tre lojtarët kanë plotësuar numrin katër të kartonave të verdhë, teksa do jenë “gropë” e madhe në formacionin e shkodranëve kryesues të klasifikimit.
