Propaganda qeveritare vijon të fshikullojë si një kamxhik qytetarët duke prodhuar gjithnjë e më shumë nerveri për pushtetarët që mburren për suksese teksa pjellin dështime.
Këtë të Hënë, kryeministri Edi Rama ka publikuar disa foto të personelit shëndetësor në FB. Kreu i qeverisë propagandon duke u shprehur se “ekipet e shëndetësisë kanë shërbyer 24/7, në pavione por edhe në çdo shtëpi, kudo ku thirrja e Urgjencës Kombëtare i ka kërkuar pavarësisht motit tejet të keq”. Përveç se kanë kryer detyrën, mjekët e infermieret janë detyruar të pozojnë si “modele pune” për rrjetet sociale të Ramës, ndërsa qytetarët shprehin revoltë në komentet e tyre. Madje, edhe ata që dikur e kanë mbështetur, tanimë duket se e kanë kuptuar që qeveria-qyetetarët nuk i ka kurrsesi në plan të parë.
Në statusin e Ramës ka komente të shumta të qytetarëve të pakënaqur me shëndetësinë, veçanërisht me sjelljen me të sëmurët me Covid.
Të tjerë kujtojnë torturën me situatën e rrrugëve gjatë fundjavës, që solli bllokime të qytetarëve e aksidente, ndërsa dora e shtetit nuk dukej askënd, qoftë për të hedhur një grusht kripë.
Komentet që prekin problematika që duken të pafundme në vendin tonë, vërshojnë në FB e Ramës, një kryeministri që pas 8 viteve në pushtet, me dështime e sandaleve të njëpasnjëshme, flet për suksese që mesa duket i sheh vetëm ai dhe njërëzit që i ka ulur në tavolinën e pushtetit.
“Nuk e di pse nuk e pranoni qe asnjësend nuk shërben ne shëndetësi. Çdo gjë bëhet vetem me dalë në foto bukur. Turp t’ju vijë që sot mbas 30 vitesh demokraci përmendet akoma shëndetësia edhe thuhet ‘shih ça po bëjnë’. Po ata e kanë për detyrë që ti ofrojnë ndihmë atij që e ka të nevojshme. Po ku e njihni ju turpin, ju nuk keni gjak ne damarë, vetëm ujë, kjo është me 1000 % e sigurt”, shprehet një qytetare në komentin e saj.
Reagime të ngjashme nga të tjerë të pakënaqur me qeverisjen e Ramës kanë vërshuar në statusin e kryeministrit, i cili pavarësiht dështimeve e sandaleve, edhe nesër, me siguri do lëshojnë një tjetër kamxhik të helmuar propagande për qytetarët e vendit të tij…
