Humbja ndaj Teutës ka bërë që Skënderbeu të mbetet sërish në vendet e fundit të klasifikimit në Superligë. Trajneri Migen Memelli ka zgjedhur të stërvisë të tijtë edhe sot, në temperatura nën zero gradë celcius.
Moti i ftohtë dhe dëbora që kanë pushtuar Korçën nuk I ka ndalur bardhekuqtë që të zbresin në tapetin e bardhë të stadiumit “Skënderbeu”.
“Ujqërit e Dëborës” janë mësuar në kushte të tilla, teksa FSHF shtyu kampionatin për një tjetër datë pas rreshjeve të dendura në Shqipëri. Veç korçarëve, duket se stërvitjet e radhës për klubet shqiptare do zhvillohen nën ngjyrën e bardhë të borës.
