Rriten shqetësimet në Afrikë për një ringjallje të virusit Ebola. Sot Guinea ka dhënë alarmin: Jemi përballë një epidemie të re”.
Dje në vend janë zbuluar shtatë raste të konfirmuara dhe janë numëruar tre humbje jete.
Janë viktimat e para të etheve hemoragjike nga 2016-ta, vit në të cilin Guinea fitoi ndaj një epidemie të tmerrshme të filluar në vitin 2013.
OBSH-ja ka lajmëruar që do të transportojë sa më shpejt në vend vaksinat kundër sëmundjes.
“Kemi si qëllim të dorëzojmë shumë shpejt instrumentet e nevojshme për të ndihmuar Guinean, që ka zhvilluar një eksperiencë të madhe”, ka deklaruar në konferencë për shtyp në Gjenevë profesori Alfred George Ki-Zerbo i OBSH-së, në përfundim të një mbledhjeje me autoritetet shëndetësore të Conakry.
Raste të Ebola-s janë raportuar dje edhe në Republikën Demokratike të Kongo-s.
Për momentin janë tre të infektuarit e çertifikuar.
I fundit është zbuluar në Butembo, qytet me më shumë se një milionë banorë dhe epiqendër i një shpërthimi të virusit qershorin e kaluar, pas pothuajse dy viteve pa raste.
Ministria e Shëndetësisë kongoleze ka lajmëruar rishfaqjen e sëmundjes me 7 shkurt, pas humbjes së jetës së një gruaje që ishte infektuar me virusin.
Viktima ishte gruaja e një të mbijetuari të epidemisë së mëparshme të Ebola-s.
Në vend kanë mbërritur 1200 doza vaksine dhe punonjësit e shëndetësisë që po formojnë personelin për soministrimin e dozave dhe ndjekjes.
Një epidemi e re do të ishte e dymbëdhjeta në Republiken Demokratike të Kongo-s që kur virusi është zbuluar për herë të parë në vitin 1976 afër lumit Ebola.
