Ronald Koeman, trajneri i Barcelona-s, është gati për sfidën e Champions League pas fitores 5-1 të marrë në La Liga kundër Alaves. Strategu i katalanasve është shprehur se ndeshja me PSG vjen në momentin e tyre më të mirë.
“Ndeshja me PSG vjen në momentin më të mirë. Jemi në një moment të mirë dhe jam i bindur se do të jetë një sfidë e ekuilibruar. Më mirë të mos flas më për VAR. Duhet të kemi një lente zmadhuese për të parë nëse ishte pozicion jashtë loje ose jo. I kam parë disa herë pamjet dhe mendoj se nuk ishte pozicion jashtë loje”, deklaroi Koeman.
