Partizani ka arritur një fitore të thellë në transfertë përballë Kastriotit me rezultatin 0-3. Të tre golat janë shënuar në pjesën e dytë të takimit me rezultatin që u zhbllokua në minutën e 65-të.
Stenio Junior ka ndëshkuar skuadrën e Kastriotit duke kaluar skuadrën në epërsi. Fantastik Junior, i cili përfiton nga një top i mbetur në zonë, pas gjuajtjes së Cordeiros, duke e gjuajtur për ta dërguar në rrjetë.
Dyfishimi i rezultatit erdhi në minutën e 77-të me anë të Jasir Asanit. Supergol i tij që lëshon një gjuajtje të bukur me të majtën, për tas dërguar në fundin e rrjetës, duke mos i lënë asnjë mundësi për reagim portierit Hidi.
Ndërkohë goli që i vuri kapak ndeshjes u shënua nga braziliani Lucas Cardozo në minutën e 83-të. Braziliani shfrytëzon një pasim perfekt të Jasir Hasanit, për të gjuajtur me të parën dhe duke e dërguar kështu në fundin e rrjetës.
Me këtë fitore, Partizani ruan distancën prej 6 pikësh me kryesuesit e Vllaznisë të cilët nga ana e tyre mposhtën 1-0 Apoloninë.
