Prej mëngjesit të ditës së sotme situata në të gjitha rrugët e vendit është në kaos, për shkak të reshjeve të shumta të dëborës, por edhe për shkak të mungesës së shtetit.
Qytetarë nga i gjithë vendi denoncojnë mungesën totale të shtetit në rrugë si dhe të borëpastruesve për tu ardhur në ndihmë, makinave të bllokuara.
Ndërkohë nga ana tjetër Policia e Shtetit apelon që qytetarët të shmangin lëvizjet në rrugë dhe të përdorin zinxhirët.
‘Shërbimet e përforcuara të Policisë Rrugore po monitorojnë trafikun edhe në qendrat e banuara, ku prezenca e ujit ka sjellë ngadalësim të trafikut dhe bllokim të përkohshëm të qarkullimit.
E gjithë situata po monitorohet në bashkëpunim me shërbimet e tjera të Policisë së Shtetit dhe me Emergjencat Civile, për të evituar ngjarjet rrugore dhe për të siguruar qarkullimin normal të mjeteve dhe të mallrave.
#Për_çdo_problem_kontaktoni_në_nr_falas_të_Policisë_së_Shtetit_112 !’, thuhet në njoftimin e policisë.
Por siç shihet edhe në foto e mëposhtme forcat e policisë janë shumë të pakta në numër për tu ardhur në ndihmë qytetarëve që kanë nevojë për ndihmë.
