Presidenti Ilir Meta, në një komunikim për mediat u shpreh se Saranda i ka të gjitha potencialet për të zhvilluar turizmin.
Sa i përket zgjedhjeve të 25 prillit, Presidenti tha se populli shqiptar me forcën që ka dhe me të drejtën e votës do të vendosë për Shqipërinë.
Më tej ai shtoi se “qytetarët t’i ndëshkojnë me votë të gjithë ata që përpiqen të blejnë vota. Ne jemi popull që meriton demokraci.
Nëse do të ketë tentativa për manipulim, Presidenti jua ka bërë të qartë që të heqin dorë nga këto ëndrra”, u shpreh ai.
Gjatë fjalës së tij Meta u ndal edhe tek çështja e detit për të cilën tha se ka qenë gjithmonë për zgjidhje të drejtë dhe Kushtetuese.
Ashtu siç edhe më herët është shprehur edhe në këtë komunikim Meta tha se nga ana e kryeministrit Rama nuk ka pasur transparencë siç e meriton kjo çështje.
“Kjo çështje duhet të zgjidhet njëherë e përgjithmonë në mënyrë transparente”, tha Meta.
Më tej kreu i shtetit tha se nëse do të ketë përkushtimin e duhur në Sarandë do të përmirësohen ndjeshëm ofertat turistike për këtë qytet.
