Nga Boldnews.al
Komisioni për Ankesa dhe Sanksioneve (KAS), pritet të marrë në shqyrtim në 16 Shkurt ankesën e Erion Veliajt për gjobën prej 75 mijë lekë të reja për shkelje të ligjit elektoral, një një situatë qartësisht në konflikt interesi ndërmjet kryebashkiakut të Tiranës dhe anëtarit relator të rastit, Koli Bele.
Veliaj u gjobit disa ditë më parë nga Komisioneri Shtetëror i Zgjedhjeve, Ilirjan Celibari, për zhvillimin e të paktën dy aktiviteteve publike në kundërshtim me parashikimet e Kodit Zgjedhor.
Kjo gjobë u mor me sportivitet, Veliaj, si edhe nga kryeministri Edi Rama, i cili i doli menjëherë në krah kryebashkiakut të Tiranës.
Madje, të dy bashkë, nga një vizitë në Zall-Herr, u shprehën të bindur se gjoba ndaj Erion Veliajt do të rrëzohej shumë shpejt.
Dhe, kjo bindje e tyre, ka baza të forta. Ata kanë punuar fort që çdo institucion publik ta kenë nën kontrollin e tyre.
Pasi u gjobit nga Celibashi, kryebashkiaku Veliaj e ankimoi rastin tek Komisionit të Ankesave dhe Sanksioneve pranë Komisionit Qendror të Zgjedhjeve (KAS).
Shorti i zhvilluar në KAS zgjodhi anëtarin Koli Belen si relator për shqyrtimin e ankesës së Veliajt, anëtarin Koli Bele.
Bele, një jurist i lidhur ngushtësisht me Partinë Socialiste, ishte këshilltar i Erion Veliajt në Bashkinë e Tiranës deri në Shtator 2020.
Vetëm pak javë pasi dha dorëheqjen nga pozicioni i vartësit të Veliajt, Koli Bele u shfaq si “jurist i pavarur” dhe u emërua anëtar i Komisionit të Ankesave dhe Sanksioneve (KAS), i përzgjedhur nga Partia Socialiste.
Dhe, tashmë, si “i pavarur”, ai pritet të analizojë deri në detaje ankimin e Erion Veliajt për gjobën, si pasojë e shkeljes së ligjit zgjedhor.
Situata ndërmjet Erion Veliajt dhe Koli Beles nuk është thjeshtë dhe vetëm konflikt i pastër interesi.
veliaj boldnews
Kjo gjendje tregon se, edhe institucionet e reja të sistemit zgjedhor, nuk premtojnë aspak zhvillime pozitive në procesin elektoral në Shqipëri.
Pak javë më parë, Komisioni i Ankesave dhe Sanksioneve (KAS) votoi 3-2 në favor të një zyrtari lokal të Partisë Socialiste në Lushnje, i cili gjithashtu u konstatua nga Komisioneri Shtetëror i Zgjedhjeve në shkelje të Kodit Zgjedhor.
Përfaqësuesi e emëruar nga maxhoranca, të cilët përbëjnë shumicën në KAS, duket se nuk do të tolerojnë gjobitjen e asnjë përfaqësuesi të Partisë Socialiste, pavarësisht fakteve dhe provave që i vendosin ata në situatë konflikt me ligjin zgjedhor.
