Zbardhen të tjera detaje nga shpërthimi i tritolit në një banesë në Pogradec. Mëngjesit e sotëm, rreth orës 03:00, një sasi lënde plasëse shpërtheu në oborrin e banesës së Petrit Çekiçit.
Burime bëjnë me dije se ky i fundit është person me precedent penal. Në vitin 2014 ai u dyshua si autor i vrasjes së një personi me mbiemër Hoxhallari.
Por në fakt, rezultoi se autor ishte nipi i tij. Ndërkohë, dy djemtë e Çekiçit kanë patur konflikte me persona të tjerë me precedent penal.
Autoritetet kanë nisur hetimet në këto dy pista. Dyshohet se tritoli mund të jetë një mesazh për djemtë e Petrit Çekiçit.
