Partizani arriti një fitore të rëndësishme ndaj Kastriotit në Kamzë me shifrat 0-3. Pas ndeshjes për Supersport foli trajneri i të kuqve, Ilir Daja.
“Pjesën e parë kemi bërë mirë dhe lëvizëm shumë mirë. Gabimi në të parën ishte fakti që të tre sulmuesit tanë lëviznin jo në mënyrën e duhur. Fushën e prisnim akoma më keq dhe kishim mendua ta zgjidhnim me topin e gjatë.
Në pjesën e dytë edhe falë kontigjentit në dispozicion, mundëm të bëjmë mirë. Tashmë kemi cilësi edhe në pankinë dhe aktivizuam Hasanin, Asanin Cardoson. Qetësinë na e dha goli i dytë dhe pas kësaj ishim shumë mirë dhe administruam rezultatin.
Hasani? Dihen vlerat e tij, Ajo që na ngurtëson në aktivizimin e tij është koha e madhe pa luajtur, rreth katër muajsh, që kur ka mbyllur sezonin në Finlandë. Nuk duam ta aktivizojmë për të shmangur edhe ndonjë dëmtim, pasi edhe terrenet nuk janë në kushtet e duhura. Gjendja e tij fizike nuk është 100% dhe nuk duam të rrezikojmë”, u shpreh Daja.
