Kreu demokrat Lulzim Basha premtoi sot gjatë një takimi me prodhuesit shqiptarë një moratorium 12 mujor për inspektoriatet, kohë kjo që sipas tij, do të shërbejë për reformimin e tyre, njëlloj si në vendet e BE.
Basha tha se reforma e inspektoriateve do të heqë lakun nga fyti i bizneseve shqiptare, sikundër do të garantojë drejtësinë për funksionimin e tyre.
Kreu demokrat tha se abuzimet me fondet, sipas raportit të KLSH, në 7 vitet e qeverisjes Rama, janë 7.2 mld euro, para që mund të ishin investuar për fuqizimin e bizneseve, infrastrukturës, realizimin e investimeve dhe jo të përfundonin në xhepat e atyre që i kanë vjedhur.
Basha tha se po të shikoni autostrada Tiranë-Durrës, aty ku janë përqëndruar një pjesë e konsiderueshme e bizneseve qelbet nga ujrat e zeza.
Referuar programit të PD, Basha tha se parashikohet ulja e kontributeve shoqërore në 18%, pra, 9+9 duke zbatuar kështu parimin e taksës së sheshtë si një parim që do të nxisë rritjen ekonomike, do të nxisë punësimin, por po kështu do të nxisë transparencën dhe do të luftojë informalitetit dhe duke çuar në një skenar të tre palët fitojnë
Sipas tij, me fuqizimin e biznesit përfitojnë edhe të punësuarit, rritet dhe konsumi, përfiton dhe arka e shtetit. Dhe ky është fituesi i tretë i skemës, i angazhimit që ne ndërmarrim në fushën fiskale
