Kryetari i Forumit Rinor të Partisë Demokratike Belind Këlliçi ka postur në faqen e tij në rrjetin social një video ku tregohet dhuna e policisë ndaj një të ri,u që po kthehej nga puna për në shtëpi.
I riu ndalohet nga një patrullë policie, shtrihet në tokë dhe goditet. Ky nuk është një rast i izoluar, por i përsëritur dhe tashmë duket se policia frymëzohet në dhunën që ushtron nga Kryeministri Edi Rama dhe Ardi Veliu. Deri më tani askush nuk ka mbajtur përgjegjësi, edhe pse publikisht janë denoncuar me dhjetra raste kur qytetarët rrihen për një maskë, apo se kapen jashtë orës policore.
Ja postimi i plotë:
Ndalni dhunën!
Festim Peza po kthehej në shtëpi pas një dite pune të lodhshme. Ora shënon 22:10. Patrulla e ndalon përpara shtëpisë, e shtrin përtokë, e godet, në fund i heqin dhe patentën për 3 vjet.
Të rrahin, të heqin edhe bukën e gojës! E gjitha kjo për 10 minuta vonesë ndaj orës policore të përcaktuar nga Edi Rama me një akt-normativ.
I bëj thirrje autoriteteve, të procedojnë konform ligjit dhe rregullores, efektivin në video.
Ndalni dhunën!
