Pas arrestimit nga SPAK, mjeku i QSUT Edvin Prifti tha se paratë ishin të ligjshme dhe kjo gjë u konfirmua dhe nga avokati i tij, Henrik Ligori i cili tha se paratë ishin përfituar nga një shitje dhe një pjesë e tyre do të dërgoheshin në bankë.
Gjithashtu avokati Ligori tha se në dosjen hetimore nuk vërehet se mjeku ka marrë para duke qenë se aty ka vetëm biseda të krysekretares së Gjykatës së Krujës me një shoqe.
“Paratë e gjetura janë të ligjshme nga një shitje. Një pjesë e tyre nuk u gjetën në zyrë, por në çantë, të cilat do t’i dërgonte në bankë për të bërë një blerje.”, tha avokati.
Ndërkohë Edvin Prifti është pezulluar nga detyra pas hetimeve të SPAK ndaj gjyqtares së Krujës, Enkelejda Hoxha, ku janë përfshirë dhe një mori emrash të tjerë.
