Modelja e njohur, Kasia Lenhardt, u gjet e pajetë në apartamentin e saj në Berlin vetëm pak ditë pasi ishte darë nga Jerome Boateng. 25 vjeçarja i dha fund jetës në 6-vjetorin e lindjes së të birit.
Lajmi ka tronditur të gjithë miqtë e saj dhe këtë njëra nga shoqet bën thirrje që të zbardhet e vërteta.
Në një postim të fundit në Instagram, modelja shkruante: “Është koha të vësh një kufi. Mjaft!”
Gjithashtu më herët në një “luftë” publike fjalësh, Boateng kishte deklaruar se ishte koha për të “vënë një kufi” pas prishjes së lidhjes me modelen. Dhe pikërisht Lenhardt përdori të njëjtat fjalë në postimin e saj të fundit në rrjetet sociale, një javë më parë.
Kujtojmë që Kasia Lenhardt u bë e njohur që në vitin 2012 pas pjesëmarrjes së saj në shfaqjen “Next Top Model” në Gjermani.
