Situata sinoptike pritet të ndryshojë sërish ditën e enjte pasi do të mbizotërojnë vranësirat e dendura.
Reshjet e shiut parashikohen të vazhdueshme. Intensiteti i tyre do të jetë mesatar në formën e shtrëngatave.
Intensitet të lartë, në formë rrebeshesh shiu shoqëruar me shkarkesa elektrike parashikohet të ketë në pjesën veriore dhe bregdetare.
Pasdite, reshjet do të humbin intensitet me shi të dobët e të përkohshëm. Borë në zonat malore.
Era, do të fryjë me drejtim juglindje e prej mesditës veriperëndim me shpejtësi 3-10m/s. Përgjatë vijës bregdetare dhe zonat luginore të vendit erë e vrullshme. Valëzimi në dete i forcës 5-6 ballë.
Temperaturat parashikohen në:
zonat malore 5°C deri në 9°C
zonat e ulëta 7°C deri në 13°C
zonat bregdetare 9°C deri në 14°C
