Doktoreshë Ergeta Ktona në lidhje skype me A-Show me gazetarin Adi Krasta, komentoi edhe ndalimet e fundit në radhët e bluzave të bardha pas denoncimit të çështjes ‘Tire’
‘Pa diskutim çështja në vetvete është shumë delikate. Gjithë bota po përballet me një situatë të pamenduar më parë.
Ajo që dua të them është se i gjithë personeli mjekësor, nga mjekët, profesorët, deri te sanitarët, nuk janë sot heronjtë e vendit, por ata kanë qenë gjithmonë.
Sigurisht që në të gjithë këtë situatë, janë episode ekstremisht të shëmtuara, që tregojnë në radhë të parë vulnerabilitetin e bluzave të bardha, sa e ndjeshme është ndaj këtyre lloj situatave për të procesuar edhe elementë të tillë.
E dënoj shumë fort të gjithë këto gjeste që kanë ndodhur. Në këtë periudhë duhet të kuptojmë, gjithmonë e më fort, që duhet ti besojmë bluzave të bardha.
Në një institucion spitalor pa diskutim nuk mund të ketë totalisht një përgjegjësi kolektive. Çdo institucion duhet ti përshtasë mekanizmat, por duke menaxhuar edhe kodin e sjelljes.
