Një ditë më parë në bregun e Zvërnecit u gjet trupi i pajetë i një qytetari, mosha rreth 30 vjeç, i cili vijon të jetë i paidentifikuar.
Dyshimet e para ishin për ndonjë peshkatar të zonës, por veshja e të riut i rrëzon dyshimet.
Nga raportimet mësohet se ekspertiza mjekoligjore ka zbuluar se viktimës i janë konstatuar disa hematoma më kokë duke ngritur dyshime për dhunë të ushtruar ndaj tij para se të hidhej në det.
Në gishtin tregues të njërës dorë, i riu ka një tatuazh ( një kafkë).
Trupi i tij u gjet në breg të detit në Zvërnec rreth orës 11:15, në afërsi të Petroliferës.
