Futbollisti i famshëm, Cristiano Ronaldo dhe partnerja e tij, Georgina Rodriguez, kanë ndihmuar një 7-vjeçar në trajtimin e tij.
“The Sun” shkruan se portugezi, Tomas, u diagnostikua me një formë të rrallë të kanceri, neuroblastomë, në shtator të vitit 2019. Sëmundja iu rikthye në tetor të vitit të kaluar dhe prindërit e tij bënë apel për ndihmë dhe mbledhje të fondeve për të operuar djalin.
Duket se kjo thirrje u ka shkuar në vesh edhe çiftit të famshëm, i cili ka ndihmuar 7-vjeçarin për t’u kuruar.
Ka qenë motra modeles së famshme, Ivana, e cila konfirmoi lajmin në një postim në “Instagram”.
“Faleminderit Georgina dhe Cristiano për ndihmën dhe solidaritetin. Ju falenderoj pafund që ndihmuat Tomas të marrë trajtim”, shkruan ajo në postim.
