Në 38-vjeçar ka rënë në prangat e policisë së Elbasanit, pasi akuzohet me dyshimin për kontrabandë makinash.
Seksioni për Krimin Ekonomiko-Financiar në Drejtorinë Vendore Elbasan ka arrestuar Ervin Çerekjen, banues në Lagjen “Shënkoll” të Elbasanit.
Çerekja akuzohet me dyshimin për veprën penale “Kontrabandë dhe mallra të tjerë”, “Ruajtja dhe depozitimi i mallrave kontrabandë” si dhe “Fshehja e të ardhurave”.
Nga hetimi rezulton se 38-vjeçari kishte në servisin e tij 25 automjete luksoze të cilat ishin hapur për pjesë këmbimi, ndërsa rezultoi se për asnjërën prej tyre ai nuk kishte kryer procedurat e zhdoganimit duke iu shmangur detyrimeve tatimore. Këto automjete ishin sjellë kryesisht në rrugë të dyshimta nga Anglia.
Materialet në ngarkim të 38-vjeçarit i janë referuar Prokurorisë së Rrethit Gjyqësor Elbasan për veprime të mëtejshme hetimore.
