Kryeministri Edi Rama tha se ofrimi i orës policore është një nga opsionet, për të vendosur nën kontroll situatën e pandemisë.
Rama tha se momentalisht është e rëndësishme që të zbatohen masat që kemi aktualisht, por mbetet një opsion edhe zhvendosja e orës policore.
“Vendosja e orës policore ka të bëjë me minimizimin e kontakteve. Henri i VII i Anglisë, në kohën e pandemisë u mbyll brenda 3 vjet dhe kontaktet i kishte në distancë të mjaftueshme, ndërkohë që ishte pandemia.
Këtu rrijnë ngjitur, bëjnë edhe party, dhe e marrin Covid vesh më vesh. Ndaj edhe ajo ora policore është shmangia e kontakteve dhe jo siç thonë disa të pashkollë se COVID del natën dhe jo ditën. Ora policore synon shmangien qoftë edhe me 1 orë të kontakteve”, tha Rama.
Ai i drejtoi sërisht një apel bizneseve, përfshi edhe qendrave tregtare, që të respetojnë masat, pasi në të kundërt do të ketë një reagim të institucioneve, përfshi edhe policinë e shtetit.
