Tani ka prova, ose të paktën një studim i fuqishëm shkencor që tregon se nga erdhi koronavírusi. Sipas këtij studimi, ishin ndryshmet klimatike që na e sollën pandemínë e Covíd-19.
Që përhapja e Sars-Cov2 ishte e lidhur me një model të dështuar të shfrytëzimit të mjedisit, kjo ishte një hipotezë e përbashkët e hedhur nga shkencëtarët dhe ekonomistët.
Por fokusi ishte kryesisht te shpyllëzimet e disa zonave të Lindjes së Largët, të cilat ndryshuan habitatet dhe bënë të mundur kontaktin midis njerëzve dhe një vírusi që normalisht strehohet te kafshët e egra.
Tani, studiuesit nga Departamenti i Zoologjisë i Universitetit të Kembrixhit tregojnë se rritja e temperaturave globalisht ka bërë që gjatë 100 vjetëve të fundit të ketë një shpërthím të specieve të lakuriqëve të natës në provincën kineze të Yunnan-it, në kufi me Mianmar dhe Laos. E njëjta zonë nga ku, Sars Cov-2 ka kaluar te pangolinat dhe më pas te njerëzit, informon dritare.net
Studiuesit kanë treguar se si ndryshimet e temperaturave, rrezeve të diellit dhe dioksidit të karbonit i pranishëm në atmosferë, që ndodhën nga fillimi i shekullit XX deri më sot, kanë transformuar një zonë të karakterizuar nga shkurre tropikale në savana dhe pyje gjetherënëse. Një mjedis perfekt për shumë lloje lakuriqësh që jetojnë në pyje.
Ndërgjegjësimi se origjina e pandemísë më të keqe që nga grípi spanjoll, u shkaktua nga emergjenca e klimës duhet të na shtyjë të bëjmë veprime të menjëhershme për të ndaluar ose të paktën ngadalësuar ngrohjen globale. Të paktën kjo është dëshira e autorëve të studimit. /Burimi: La Stampa
