Enca Haxhia është gjithmonë shumë e hapur për jetën e saj dhe së fundmi ajo bëri një lojë, ku fansat do i tregonin thashethemet që kanë dëgjuar për të, dhe këngëtarja tregoi nëse ishin të vërteta apo jo.
Një prej ndjekësve e pyeti nëse është lezbike, pasi kishte dëgjuar fjalë të tilla lart e poshtë.
“Nuk është e vërtetë. Ndonjëherë shpresoj shumë të isha, sepse meshkujt ta shpifin. Por nëse do të isha, ju të gjithë e dini se unë jam e hapur dhe e sinqertë mjaftueshëm që të isha e para për ta pranuar. Shumë dashuri për komunitetin”, u përgjigj Enca.
Ndërsa një tjetër e ka pyetur nëse ka kryer ndonjëherë operacione plastike.
“E gabuar. E gjitha nëna natyrë”, shkroi artistja.
Një tjetër e ka pyetur nëse është në lidhje me një reper shqiptar.
“E gabuar. Kjo do të ishte e bukur, nëse je adoleshente. Vajzat e rritura meritojnë burra të rritur. Unë kam miq reperë, që janë djem shumë të mirë, por nuk mendoj se marrëdhëniet me reperë janë të shëndetshme”, u përgjigj këngëtarja.
Gjithashtu ajo ka treguar se nuk e konsumon mishin, përveç atij të pulës, nuk pi shumë alkool dhe se nuk pi duhan.
Pyetjes nëse do të bëhet nënë Enca iu përgjigj me “Po”, duke shtuar se kjo nuk është në planet e saj të afërta. Gjithashtu, Haxhia pranoi se vazhdon të jetë single.
