Dhjetë parti janë regjistruar deri më tani në KQZ. Partitë e regjistruara deri tani për zgjedhjet e 25 Prillit janë: Partia Drejtësi, Integrim dhe Unitet e Shpëtim Idrizit, Bindja Demokratike e Astrit Patozit, Lëvizja për Ndryshim e Jozefina Topallit, Lëvizja Demokratike Shqiptare e Myslim Murrizit, Ora e Shqipërisë e deputetit Zef Shtjefni, Aleanca Demokratike Shqiptare e Eduart Abazit, Lëvizja e Legalitetit e Shpëtim Axhanit, Balli Kombëtar, Partia Emigracioni Shqiptar e deputetit Kostaq Papa dhe Partia e Reformave Demokratike e Krenar Rrycit.
Jozefina Topalli dhe Astrit Patozi garojnë për herë të parë në zgjedhje me partitë e tyre.
Pritej që partia e Shpëtim Idrizit të bashkohej në një listë të përbashkët të kandidatëve për deputetë me Partinë Demokratike, por duket se kjo nuk ka ndodhur.
Gjithashtu në zgjedhjet e 25 Prillit do të garojnë të pavarur edhe dy kandidatët Plarent Aleksi dhe Pal Shkëmbi, të Komitetit Nismëtar. Aleksi do të kandidojë në Berat kurse Shkëmbi në Shkodër.
