Komisioni i Disiplinës ka bërë publik pak minuta më parë, vendimet për javën e fundit futbollistike në Kategorinë Superiore dhe futbollin e moshave.
Ai që e ka pësuar është mesfushori i Vllaznisë, Ardit Krymi, i cili është dënuar me 2 ndeshje për shkak të sjelljeve josportive ndaj Bitrit në sfidën Vllaznia-Partizani.
Gjithashtu bie në sy paralajmërimi që Disiplina i ka bërë klubit të Tiranës për stërvitjen në stadiumin “Selman Stërmasi”.
Vendimet:
Lojtari i KF Vllaznia, Ardit Krymi, për sjellje josportive ndaj kundërshtarit, në bazë të nenit 47/1/d të KDS, dënohet me 2 (dy) ndeshje pezullim nga aktiviteti.
KF Tirana, në bazë të nenit 12 të KDS, paralajmërohet se në rast të përsëritjes së stërvitjes në stadiumin “Selman Stërmasi”, do të jetë subjekt i masave disiplinore që parashikon Kodi i Disiplinës Sportive dhe Rregulloret e FSHF.
KS Kastrioti U-21, për braktisjen e ndeshjes së vlefshme për Kampionatin Kombëtar të Kategorisë Superiore U-21, kundër KF Bylis U-21, në bazë të nenit 54/1 të KDS, humbet ndeshjen në tavolinë me rezultatin 3-0 dhe i zbriten 3 pikë nga klasifikimi.
Lojtari i KF Shkodra U-19, Albi Shpuza, për sjellje josportive ndaj kundërshtarit, në bazë të nenit 47/1/d të KDS, dënohet me 2 (dy) ndeshje pezullim nga aktiviteti.
Lojtari i Shkëndija Dr. U-19, Eldi Mala, për lojë të rëndë ndaj kundërshtarit, në bazë të nenit 47/1/b të KDS, dënohet me 2 (dy) ndeshje pezullim nga aktiviteti.
