Tritan Shehun është caktuar si drejtues politik i PD në qarkun Gjirokastrës për zgjedhjet e 25 Prillit. Kështu PD ka përmbyllur caktimin e drejtuesve politikë në të 12 qarqet e vendit.
Në Berat si drejtues qarku është caktuar Tomorr Alizoti, në Durrës Edi Paloka, në Shkodër Helidon Bushati, në Elbasan Gazmend Bardhi, në Fier Enkelejd Alibeaj, në Vlorë Bujar Leskaj, në Durrës, Edi Paloka, në Lezhë, Mark Marku, në Korçë Edmond Spaho, në Durrës Xhelal Mziu dhe në Kukës, Flamur Hoxha.
Ndërkohë në Tiranë janë caktuar disa emra si drejtues të Qarkut, nga i cili prodhohen 36 mandate deputetësh.
Kështu në Tiranë janë caktuar Albana Vokshi, Aldo Bumçi, Flamur Noka, Jorida Tabaku, Grida Duma, Alfred Rushaj, Agron Shehaj dhe Belind Këlliçi.
Tashmë pritet që kreu demokrat Lulzim Basha të zyrtarizojë edhe listën e kandidatëve për deputet në zgjedhjet e 25 prillit, por ende nuk ka një marrëveshje me të paktën dy aleatë të saj, PR e Fatmir Mediut dhe PDIU e Shpëtim Idrizit. Ndërkohë është arritur marrëveshja me Dashamir Shehin, i cili do të jetë pjesë e listës së kandidatëve për Tiranën, Nard Ndokën që do të kandidojë në Shkodër dhe Agron Duka i PAA që do të kandidojë në Durrës.
