Partizani do të luajë në transfertë kundër Bylisit, sfidë e vlefshme për javën e 18-të të Kategorisë Superiore.
Daja ka grup të plotë futbollistësh në stërvitje, por ndaj Bylisit, do të mungojnë Bitri dhe Asani. Qendërmbrojtësi u ndëshkua me karton të kuq, ndërsa Asani plotësoi numrin e katër kartonëve të verdhë.
Megjithatë, në stërvitje kanë qenë të pranishëm të gjithë futbollistët, edhe afrimet e ditëve të fundit, si Mëllugja, Selita dhe Celina. Ndërsa mbrojtësi nga El Salvador, Roberto Dominguez, është nisur ditën e djeshme drejt Tiranës, për t’iu bashkuar grupit.
Përballë Bylisit, për Ilir Dajën është rikthyer i gatshëm edhe mesfushori Murataj, i cili shleu pezullimin e kartonit të kuq ndaj Teutës, duke munguar në duelin delikat që “demat” zhvilluan ndaj kryesuesve të Vllaznisë.
