Kryetari i AKR-së në Kosovë, Behgjet Pacolli, në një lidhje direkte me Çim Peka Live foli edhe për gabimet e tij në poltikë
‘Unë jam i zhveshur nga funksionet institucionale këtu në Kosovë. Unë jam jashtëzakonisht shumë i qetë me jetën time. Unë në Kosovë kam dhënë shumëçka, madje maksimumin. Mund të thoni çfarë të doni, mund të thoni kanë qenë 50 njohje apo 45, por një e vërtetë është se kam bërë shumë njohje të Kosovës edhe nga funksioni i opozitës.
Unë e kam prezantuar Kosovën si një vend të bukur dhe te qetë. Kjo më bën krenar. Kam kontribuar që të mos ketë asnjë bllokadë ekonomike.
Kam qenë i vetëdijshëm se çdo ngecje i kushton Kosovës. Duhe të ecim me një hap më të shpejtë.
AKR ka qenë një platformë fantastike për këdo që ka qënë aty. Çdo gjë që e kam arrit, e kam arrit me djersë, kjo më ka bërë ti besoj punës dhe jo intrigave.
Unë kam preferuar të jem ai që jam. Dhe të bëj sic kam bërë në eksperiencën time, puna mbi të gjitha.
Gabimet që kam bërë janë ato që kam hyrë në një ambient që nuk e kam pritur.
Unë kam besuar se ata janë njerëzit e mirë të fshatit që kisha lënë. Por këtu kishte ndryshuar gjithmonë.
Shumë ndihet zbrazëtia e Rugovës këtu. Ishte fakt i keq që iku i ri dhe i mungon politikës shqiptare.
Ai ka respektuar të tjerët dhe ka kërkuar që të tjerët ta respektojnë. Dhe ky ishte një parim i mirë i tij, dhe që shumë herë kam dashur të më ndodhë edhe mua.’
