Ferhan Hasani ishte goditja e bujshme e Partizanit në merkaton e janarit. “Buba” vendosi të firmoste me të kuqtë që kishin bërë një ofertë më të mirë se Tirana. Në një intervistë për “Sport Neës”, Hasani rrëfeu prapaskenat e transferimit te Partizani, kontaktet me Tiranën si dhe objektivin e Partizanit.
“Kam rreth 8 ditë këtu dhe jam I kënaqur pasi më kanë pritur shumë mirë. Jam i habitur nga qyteti për mirë pasi qyteti është i gjallë e ka shumë lëvizje. Klubi më ka pritur shumë mirë dhe jam i kënaqur e për këtë i falënderoj të gjithë”.
Pse Partizani? “Besoj se tani ishte momenti i duhur dhe unë e kam thënë që një ditë dua të luaj në Shqipëri e kam ende forcën për të dhënë. Tirana? Unë jam futbollist dhe jam i hapur për të gjitha ofertat. Në atë kohë Partizani kishte merkaton e mbyllur dhe unë kam pasur ofertë nga Tirana dhe kemi pasur kontakte me menaxherin tim. Shifrat që janë publikuar në media nuk janë të vërtetë”.
Trajneri Daja? “Po kam folur dhe Daja pret nga mua njësoj siç pret nga lojtarët e tjerë. Nuk ka diferencë mes meje dhe të tjerëve dhe jemi njësoj. Afrimi im nuk është big pasi nëse nuk e tregoj në fushë nuk ka vlerë. Përderisa nuk e kam treguar në fushë për momentin jam askushi”.
Partizani për titull? “Nuk e di nëse do të shpallemi fitues apo jo. Atmosfera është pozitive mes nesh dhe stafit. Janë 9 pikë, por besoj se ka shumë ndeshje deri në fund.
Nuk duhet të shikojmë Vllazninë, por veten tonë dhe të fitojmë çdo ndeshje. Nëse fitojmë çdo ndeshje do të jetë mirë dhe mos të shikojmë Vllazninë. Duhet të fitojmë çdo ndeshje që më pas të shikojmë nëse gabon Vllaznia pasi nëse gabojnë edhe ne nuk ka kuptim. Lojtarët e Partizanit kanë kohë që njihen, ndërsa tani jemi afruar edhe ne dhe duhet kohë pasi nuk jemi në formë fizike. Nuk do të jetë dështim nëse nuk fitojmë titullin kampion, pastaj vitin tjetër është muhabet tjetër dhe nuk duhet ta diskutojmë titullin. Këtë vit jemi për kampion, por nuk është dështim nëse nuk fitojmë”.
Debutimi? Nuk e di, këtë vendos trajneri se kur do të luajë këtë ndeshje apo tjetrën, por unë jam gati të ndihmoj skuadrën”.
